Malayalam lyrics

വിഷുക്കിളീ വിളിച്ചതെന്തിനെന്നെ
ജനലരികിൽ വന്നു
മധുമൊഴികൾ ചൊല്ലി
വിഷുക്കിളീ വിളിച്ചതെന്തിനെന്നെ
ഉഷമലരി പൂത്തു
ഉണരുണരുകെന്നോ
വിഷുക്കിളീ വിളിച്ചതെന്തിനെന്നെ
ഒന്നാം മാനം കണി കണ്ടില്ലല്ലോ
ഇരുളാനപ്പുറമേറും കതിരോനേ
രണ്ടാം മാനം കണി കണ്ടില്ലല്ലോ
അതു കാണാതൊരു പൂവും വിരിയില്ല
പൂവിടാക്കൊന്നയെ കണി കണ്ടു നമ്മൾ
കനിയില്ലാത്തേന്മാവിൻ തേങ്ങലും കേട്ടൂ
കാടിൻ മക്കളെ കണ്ടു വാടിയ
കായാമ്പൂവുകളെ (വിഷുക്കീളി...)
അല്ലിപ്പൂവിൻ ഇതൾ നുള്ളും കാറ്റേ
ഇവർ പാടും കഥ കേൾക്കാൻ ഇതിലേ വാ
വെൺ മേഘങ്ങൾ കുളിർ പെയ്യാതെ പോയ്
ഇവർ പെയ്യും കണ്ണീരിലലിയാതെ പോയ്
മണ്ണിന്റെ സ്വപ്നങ്ങൾ മാനത്തു മാരിവിൽ
വർണ്ണങ്ങളായ് വിരിഞ്ഞതും കണ്ടൂ
കാടിൻ മക്കളെ കണ്ടു പാടാത്ത
കണ്ണീർക്കുയിലുകളെ (വിഷുക്കിളി...)
------------------------------------------------------

Song details

Music: എം എസ് വിശ്വനാഥൻ

Film/album: ഒളിയമ്പുകൾ