Malayalam lyrics

ആ....
ഉദയസംഗീതധാരാ...
ഉഷകാല നിര്‍മ്മാല്യപൂജ
ഉദയസംഗീതധാരാ
അരുണസൗവര്‍ണ്ണ ജ്വാല വിളങ്ങും
പ്രകൃതി പ്രണാമം പ്രദീപികേ
ഉദയസംഗീതധാരാ...
മന്വന്തരങ്ങള്‍ മദാലസമാക്കി
നിന്റെ താരുണ്യം
ജന്മാന്തരങ്ങള്‍ കുലച്ചൂ നിന്നില്‍
സമ്മോഹനാസ്ത്രങ്ങൾ
കണ്വാശ്രമങ്ങളിൽ വൃന്ദാവനങ്ങളിൽ
സംഗമിച്ചുറങ്ങീ നീ -അന്നു 
നിന്റെ വികാരങ്ങള്‍ ഗീതമായി
അംഗുലീവിഭ്രമം താളമായീ 
അന്ത:രംഗം നവ്യഭാവമേകീ
നിന്‍ പദചലനം നൃത്തമായീ
ഉദയസംഗീതധാരാ...
ദര്‍ശന സായൂജ്യം നേടുവാന്‍ നിന്റെ
സ്പര്‍ശന സൗഭാഗ്യം തേടുവാൻ
നിന്റെ ശ്രീകോവിലില്‍ തിരുനടയില്‍ നാദമംഗല്യ സൂക്തങ്ങള്‍ വിരിയട്ടെ
ഉദയസംഗീതധാരാ
ഉഷകാല നിര്‍മ്മാല്യ പൂജ
ഉദയസംഗീതധാരാ...

Song details

Music: ആലപ്പി രംഗനാഥ്

Film/album: പ്രിയസഖിയ്ക്കൊരു ലേഖനം