Malayalam lyrics

തുഷാരബിന്ദു തുഷാരബിന്ദു
കറുകത്തുമ്പിലെ ബാഷ്പബിന്ദു
പനിനീർപ്പൂവിൻ ചുണ്ടിൽ നീയൊരു
പവിഴ സുസ്മിത ബിന്ദു

നിന്നിൽ പുലരി ചിരിക്കുന്നു
മഞ്ഞവെയിൽ പൊന്നു പൂശുന്നു
നട്ടുച്ചത്തീവെയിലിൽ നീയൊരു
നക്ഷത്രത്തിരയായ് മായുന്നൂ

നിന്നിൽ മുകളിലെ നീലിമയിൽ
നിന്നൊരു സൂര്യനടർന്നു വീണു
കൈക്കുമ്പിളിലതുമേന്തി നീയൊരു
സ്വപ്നാടകയെപ്പോൽ മറയുന്നു

Song details

Music: കെ രാഘവൻ

Film/album: ലളിതഗാനങ്ങൾ