തത്തമ്മേ തത്തമ്മേ നിനക്കെത്ര വയസ്സായീ

Malayalam lyrics

തത്തമ്മെ തത്തമ്മേ നിനക്കെത്ര വയസ്സായീ
കുട്ടികളൊത്ത് കളിക്കാൻ വരും
നിനക്കെത്ര വയസ്സായീ
പട്ടുറുമാലിന്നും പിഞ്ഞിയില്ലാ നിന്റെ
കുട്ടിയുടുപ്പിന്നും മങ്ങിയില്ലാ
വെറ്റില തിന്നു തുടുത്തൊരു ചുണ്ടിലെ
മുത്തുമൊഴികൾക്കും മാറ്റമില്ല
അത്തിക്കായ്കൾ പഴുക്കുമ്പോൾ കിറു
കൃത്യമായ് നീയിന്നുമെത്തുന്നു
പണ്ടത്തെപ്പാട്ടിനെയൂഞ്ഞാലാട്ടുന്ന
ചന്ദനക്കാട്ടീന്നോ നീ വന്നു
തുഞ്ചൻ പറമ്പിലെ കയ്ക്കാത്ത കാഞ്ഞിര
ത്തുഞ്ചത്തു നിന്നോ നീ വന്നൂ

പൊന്നരിവാളിനെ സ്വപ്നം കാണുന്ന
പുന്നെൽക്കതിരിന്നിടയിൽ നിന്നോ
തേക്കു പാട്ടിന്റെ തെളിനീരാടുന്ന
തെക്കേപ്പാടവരമ്പീന്നോ
പണ്ടു പണ്ടെന്റെ മുത്തശ്ശി തൻ മുമ്പിലും
കൊഞ്ചുക്കുഴഞ്ഞു നീ വന്നുവല്ലേ