Theerthayaathra Ithu / തീർത്ഥയാത്ര ഇതു

Malayalam lyrics

തീര്‍ഥയാത്രയിതു തീരുവതെന്നോ
തിരിച്ചു പോകുവതെന്നോ
ആ....ആ
എവിടെന്നു വന്നെന്നും എന്തിന്നു വന്നെന്നും
എവിടേയ്ക്കു പോണെന്നുമറിയാതെ
വാടകവീടുകളില്‍ അന്തിയുറങ്ങും ആ‍.. ആ..
വാടകവീടുകളില്‍ അന്തിയുറങ്ങും
വഴിയാത്രക്കാര്‍ നമ്മള്‍
മൂകാനുരാഗ മുരളിയുമായെന്റെ
ഏകാന്ത ഗായകനെങ്ങു പോയ് ?
ആ ഗാനലഹരിയും ആ പ്രേമകവിതയും
ആ നല്ല രാത്രികളുമെങ്ങു പോയീ
ഇന്നലെ ഞാന്‍ ഞാനെന്നഹങ്കാരം മുഴക്കിയ
മന്നവകിരീടങ്ങളിന്നെവിടെ ?
പടവാളുകൊണ്ടവര്‍ വെട്ടിവെട്ടി നേടിയ
പ്രണയകുടീരങ്ങളെവിടെ ?