Malayalam lyrics

താമരയിലയിൽ വീണു തുടിക്കും
നീർമണികൾ രണ്ടു നീർമണികൾ
ഒരു താളത്തിൽ ഒന്നിച്ചു
മറ്റൊരു താളത്തിൽ ഭിന്നിച്ചൂ
സൂര്യകിരണം നിറുകയിൽ ചൂടിച്ച
സുവർണ്ണ തിലകവുമായ്
തപസ്സു ചെയ്യും നീർമുത്തുകളേ
താളം ജീവിതവാഹിനിയൊഴുകും
താളം നമ്മിലും തുടിക്കുന്നു

മായും നിർവൃതി നിമിഷങ്ങൾ ചൂടിച്ച
മായാത്തൊരോർമ്മയുമായി
മനസ്സിനുള്ളിലെ നീർക്കിളിയെങ്ങോ
മറയുമിണയെ വിളിക്കുന്നു
ദാഹം കടലിനെത്തേടും നദിയുടെ
ദാഹം കേണു വിളിക്കുന്നു

Song details

Film/album: ലളിതഗാനങ്ങൾ