സാന്ദ്രമാം മൗനത്തിൻ

Malayalam lyrics

സാന്ദ്രമാം മൗനത്തിന്‍ കച്ചപുതച്ചു നീ
സാന്ദ്രമാം മൗനത്തിന്‍ കച്ചപുതച്ചു നീ
ശാന്തമായ് അന്ത്യമാം ശയ്യ പുല്‍കീ
മറ്റൊരാത്മാവിന്‍ ആരുമറിയാത്ത
ദുഃഖമീമഞ്ചത്തില്‍ പൂക്കളായി
(സാന്ദ്രമാം...)
അത്രമേല്‍ സ്നേഹിച്ചൊരാത്മാക്കള്‍തന്‍
ദീന ഗദ്ഗദം പിന്തുടരുമ്പോള്‍(2)
നിന്നെ പൊതിയുമാ പൂവുകളോടൊപ്പം(2)
എങ്ങനെ ശാന്തമായ് നീയുറങ്ങും
(സാന്ദ്രമാം...)
വാടക വീടുമായ് ഏതു ജന്മാന്തര
വാസനാ ബന്ധങ്ങളെന്നോ (2)
ബന്ധങ്ങളേറ്റിയ ഭാരമിറക്കാതെ(2)
എങ്ങനെ ശാന്തമായ് നീ മടങ്ങും 
(സാന്ദ്രമാം......)

Song video

Watch on YouTube