Malayalam lyrics

രഞ്ജിനീരാഗമാണോ കൊഞ്ചുംമൊഴിയില്‍
മഞ്ജരീഹാരമാണോ മഞ്ജുമിഴിയില്‍
വിധുമുഖീ വരൂ സഖീ പ്രിയസഖീ
കൗമുദീഹാസമേതോ കനവുണര്‍ത്തി
മാലതീലാസ്യമേതോ ലയമൊരുക്കി
മലരിതാ മധുവിതാ നുകരൂ നീ
ഓ രഞ്ജിനീരാഗമാണോ കൊഞ്ചുംമൊഴിയില്‍
കൗമുദീഹാസമേതോ കനവുണര്‍ത്തി
ഹംസഗമനേ പ്രിയേ ശ്യാമനയനേ
രാഗസദനേ സഖീ രമ്യവദനേ
ഇതള്‍ വിടരുമോര്‍മ്മയില്‍ നീ ഇരുളകറ്റി കണ്മണീ
മൃദുലതികപോലവേ നീ ഉണരുകെന്റെ ഓമലേ
ഹൃദയവതി പ്രണയനദി മതിമയക്കി മതിമുഖി നീ
കൗമുദീഹാസമേതോ കനവുണര്‍ത്തി
രഞ്ജിനീരാഗമാണോ കൊഞ്ചുംമൊഴിയില്‍
തേനൊഴുക്കി നെഞ്ചില്‍ നിന്‍ ഹേമമുരളി
ആരുമറിയാതെ നിന്‍ പ്രേമമരുളി
ഇനിവരും ദിനങ്ങളില്‍ നീ മധുപകരൂ ജീവനില്‍
ഹൃദയവതി ഓമനിക്കും രതികലികയാണു നീ
കഥപറയും മിഴികളുമായ് ഇനി വരൂ നീ കതിരഴകേ
രഞ്ജിനീരാഗമാണോ കൊഞ്ചുംമൊഴിയില്‍
കൗമുദീഹാസമേതോ കനവുണര്‍ത്തി
വിധുമുഖീ വരൂ സഖീ പ്രിയസഖീ
ഓ രഞ്ജിനീരാഗമാണോ കൊഞ്ചുംമൊഴിയില്‍
കൗമുദീഹാസമേതോ കനവുണര്‍ത്തീ

Song video

Watch on YouTube

Song details

Music: ഗംഗൈ അമരൻ

Film/album: അനുരാഗി