പുലരി വിരിയും മുൻപേ

Malayalam lyrics

പുലരി വിരിയും മുമ്പേ
യാമക്കിളികൾ കരയും മുമ്പേ
അഴകിൽ നീരാടി...
അലസയായൊരു പനിനീർപ്പൂ‍പോലെ
അരികിലവൾ നിൽക്കും...
ആ മുഖം കണ്ടു ഞാനുണരും...
(പുലരി)
മധുരമായൊരു മന്ദഹാസം --- 2
മലരുപോലെ വിരിഞ്ഞ ചൊടിയെൻ കവിളിൽ
മഴവിൽക്കൊടികളേറ്റും ചാരുതേ
പുതുമഴയിലെ ജലകണികകളുടെ
പുളകിതമദലഹരിയിലലിയുമൊരോർമ നാം
(പുലരി)
അമൃതവാണിയൊരിന്ദ്രജാലം --- 2
കനകസൂര്യപടങ്ങൾ ഞൊറിയും കനവിൽ
ശിശിരം മിഴിയിൽ നീന്തും നാണമായ്
പ്രണയിനിയുടെ പ്രഥമരജനിയൊരു
പ്രിയതര സഹശയന സുഖലയന യാമിനി
(പുലരി)