Malayalam lyrics

പൂക്കൈത പൂക്കുന്ന പാടങ്ങളിൽ
രാത്രി പൊന്നാട നെയ്യുന്നു
പൂന്തിങ്കള്
മഞ്ഞു പെയ്യുന്ന മാർകഴിമാസവും വന്നെത്തി
എന്നിട്ടും എന്ത്യേ
വരുന്നില്ല പൈങ്കിളി
(പൂക്കൈത)
കറ്റക്കതിരേ കറുത്തപെണ്ണേ
ഒറ്റയ്‌ക്കിരുന്നു മടുത്തു പെണ്ണേ
സ്വപ്‌നങ്ങൾ പങ്കിട്ടു, ദുഃഖങ്ങൾ
പങ്കിട്ടു
മുറ്റത്തെ മാവിന്റെ
കൊമ്പത്തിരിക്കാം
(പൂക്കൈത)
പൊന്നിട്ട പെട്ടി
വലിച്ചുവച്ച്
മെയ്യാഭരണമെടുത്തണിഞ്ഞ്
മഞ്ഞിൻ മറനീക്കിയെത്തും
വെയിലുപോൽ
എന്നിനി എന്നു വരുമെന്റെ പെൺകിളി
(പൂക്കൈത)

Song video

Watch on YouTube

Song details

Music: ഔസേപ്പച്ചൻ

Raaga: മോഹനം

Film/album: ജനുവരി ഒരു ഓർമ്മ