Malayalam lyrics

ഒരു തരി വെട്ടവുമില്ലാതെ
ഇരുളിലമർന്ന വിളക്കുകളേ
വരവായ് വരവായ് പുതുവെട്ടം
അറിവിൻ പുതുവെട്ടം
അക്ഷരമാകും തിരികളിൽ വിരിയും
അക്ഷയമായ വെളിച്ചമിതാ
പഴയ വിളക്കുകൾ തേടി വരുന്നു
പുതിയൊരുണർവിൻ പൂക്കാലം
വരൂ വരൂ പഴയ വിളക്കുകളേ
തിരി കാണാത്ത വിളക്കുകളേ

നിറുകയിലീ തിരിനാളങ്ങൾ
നറുപീലികളായ് വിരിയുന്നു
നിങ്ങളിൽ സൂര്യനുദിക്കുന്നൂ
നിങ്ങളിലഗ്നി ജ്വലിക്കുന്നു
നിങ്ങളിലറിവിൻ പുതുപുലർക്കാലം
പൊൻ വെയിൽ വീശിത്തെളിയുന്നു
പുതിയൊരു ജന്മം മനുഷ്യരായി
പുനർജ്ജനിക്കുക നിങ്ങൾ

Song details

Film/album: ലളിതഗാനങ്ങൾ