Malayalam lyrics

ഒരു നുള്ളു കുങ്കുമം നിറുകയിൽ ചാർത്തി
അരികിലായ് അണയുമ്പോൾ സന്ധ്യേ
വിരഹവിഷാദമോ പരിഭവമോയെൻ
സഖിയുടെ ആർദ്രനയനങ്ങളിൽ
കൈക്കുമ്പിൾ നിറയെ സ്വപ്നങ്ങളും
മിണ്ടാതെ മിണ്ടിയ നിമിഷങ്ങളും
മനസ്സിലെ ചിപ്പിയിൽ ഒളിപ്പിച്ചു ഞാൻ
കടന്നതല്ല എങ്ങോ മറഞ്ഞതല്ല
നിൻ മിഴികളിലലിയും നീലനിലാവും
പ്രണയിനീ ഞാൻ മറന്നതല്ല

കാർത്തിക നാളിലെ കനകപ്രഭയിൽ
ഉലയും നാളം പോൽ വിറയാർന്നതും
പുളയുന്ന ലജ്ജയാൽ മുഖം താഴ്ത്തിയരിയ
നെയ്താമ്പൽ പോലെ നീ കൂമ്പിയതും
വിദുരവിഷാദമായ് സാന്ദ്രസ്മൃതിയായ്
പടരുന്നു എന്നിൽ നിറയുന്നു

Song details

Film/album: ലളിതഗാനങ്ങൾ