ഓരോ മുറ്റത്തുമോണത്തുമ്പി

Malayalam lyrics

ഓരോ മുറ്റത്തുമോണത്തുമ്പി
ത്തേരിൽ വരുന്നു മാവേലി
ഓരോ കൈയ്യിലുമോരോ കൈയ്യിലും
ഓണക്കൈനീട്ടമേകുന്നു
ചെത്തിപ്പെണ്ണിനു 10 വിരലിലും
ചെങ്കല്ലു മോതിരങ്ങൾ
മുക്കുറ്റിപ്പെണ്ണിനു ഗോമേദകമണി
വച്ച പൊൻ കമ്മലുകൾ
ചെമ്പരുത്തിക്കൊരു പൂമ്പട്ട്
തുമ്പയ്ക്ക് പൂമുത്ത്
അമ്പലക്കുളത്തിനു പൂത്താലി
തങ്കപ്പൂത്താലി
(ഓരോ......)

മഞ്ഞത്തെച്ചിയ്ക്ക് മഞ്ഞക്കുറിമുണ്ട്
മന്ദാരത്തിനു കസവുമുണ്ട്
പച്ചമുരുക്കിനും പാടത്തെ നെല്ലിയ്ക്കും
കൈത്തറിപ്പട്ട് ചെമ്പട്ട്
മണ്ണിന്റെ മക്കൾക്ക് സ്വപ്നങ്ങൾ
നിറമുള്ള മണമുള്ള സ്വപ്നങ്ങൾ
നിറവേറാത്തൊരീ സ്വപ്നങ്ങൾ
വെറുതേ സ്വപ്നങ്ങൾ
(ഓരോ...)