Malayalam lyrics

ഓണപ്പൂവേ നിൻ മിഴിയിതളിൽ
കാണുവതെന്തേ കണ്ണീർ
മന്ദഹസിക്കൂ തേൻ മുള്ളുകൾ മേൽ
ഒന്നു ചിരിക്കൂ പൂവേ
രാവിൻ നീലച്ചോലയിലാമ്പൽ
പൂവുകൾ താരകൾ മാഞ്ഞൂ
തിങ്കൾക്കലയുടെ ചുണ്ടിലെ നോവിൻ
പുഞ്ചിരി വാനിലലിഞ്ഞൂ

പുലരി വരുന്നു പുലരി വരുന്നു
തിരുവോണപ്പൊൻ പുലരി
മന്ദഹസിക്കൂ തേൻ മുള്ളുകൾ മേൽ
ഒന്നു ചിരിക്കൂ പൂവേ

കുന്നലനാടിൻ കുഞ്ഞോമനകൾ
വന്നെതിരേല്പൂ നീളെ
കണ്ണീരണിയും കുഞ്ഞിക്കണ്ണുകൾ
മെല്ലെ വിടർന്നു നീളെ
പൂവിളിയൂറും പുല്ലാങ്കുഴലുകൾ
കേഴുകയാണീ കാവിൽ

കണ്ണീരരുവിയ്ക്കരികിൽ വിടരും
പൊൻ തിരുവോണപ്പൂവേ
മന്ദഹസിക്കൂ തേൻ മുള്ളുകൾ മേൽ
ഒന്നു ചിരിക്കൂ പൂവേ

Song details

Music: ജി ദേവരാജൻ

Film/album: ലളിതഗാനങ്ങൾ