Malayalam lyrics

നീലക്കരിമ്പന നിഴലില്‍ മയങ്ങും നിളാനദീതീരം
അവിടെയെന്‍ സഖിയുടെ പൊന്നഴിക്കൂട്ടിലെ
കിളിമണവാളനെ മറന്നു കാണും
കിളിമണവാളനെ മറന്നു കാണും
നീലക്കരിമ്പന നിഴലില്‍ മയങ്ങും നിളാനദീതീരം
വേനല്‍ വന്നുഴുതിട്ടോരാറ്റുപള്ളങ്ങളില്‍
വെയില്‍ മറ കുത്തിയ പുഴയില്‍ (വേനല്‍)
ഉച്ചനീരാട്ടിനു ഗ്രാമീണകന്യമാര്‍
ഉത്തരീയം കേറ്റി ഉടുത്തു(ഉച്ച)
ഓ..ഒഹോ.....ഓ..ഓ,ഓ,ഒഹോഹോ
പുഴയോരത്തിലൂടന്നു നടക്കുമ്പോള്‍
മിഴികള്‍ വഴിതെറ്റുമെന്നെ(പുഴയോര)
പലകുറി ശാസിച്ചതോര്‍മ്മയുണ്ടോ സഖി
മിഴിയാല്‍ വിരലാല്‍ നഖത്തുമ്പാല്‍(പലകുറി)
ഓ..ഒഹോ.....ഓ..ഓ,ഓ,ഒഹോഹോ
(നീലക്കരിമ്പന നിഴലില്‍ മയങ്ങും നിളാനദീതീരം)

Song details

Music: കുമരകം രാജപ്പൻ

Film/album: ഓമനസ്വപ്നങ്ങൾ