Malayalam lyrics

മഞ്ഞിൻ മറ നീക്കി വന്നതാരോ
മഞ്ജീരനാദമുതിർത്തതാരോ
മംഗലരൂപിണീ പൊന്നുഷസ്സോ
മഞ്ജുളഗാത്രിയാമപ്സരസ്സോ
ആരോ ഈ വന്നതാരോ
മണ്ണിലുപേക്ഷിച്ചു പോയ തന്നോമന
ക്കുഞ്ഞിനെ തേടുന്ന മേനകയോ
ആനന്ദക്കേളിയിൽ കെട്ടഴിഞ്ഞൂർന്നൊരു
നൂപുരം തേടുന്നൊരുർവശിയോ
ആരോ ഈ വന്നതാരോ

സ്നേഹാംഗുലികളാൽ ശ്യാമയാം ഭൂമിയെ
മോഹിനിയാക്കും പ്രഭാതമേ നീ
ആയിരം പൂക്കളാം വർണ്ണലിപികളിൽ
ആരോ പകർത്തിയ കാവ്യമല്ലേ
പാടാം ഞാനതു പാടാം

Song details

Music: കെ പി ഉദയഭാനു

Film/album: ലളിതഗാനങ്ങൾ