Malayalam lyrics

മേടം പുലർന്നപ്പോളെൻ മനസ്സിൻ മലർ
മേടുകളിൽ കൊന്ന പൂത്തിറങ്ങീ
കിങ്ങിണിച്ചില്ലയിൽ താണിരുന്നാടുവാൻ
മഞ്ഞക്കിളിയേ നീ വന്നൂ എന്റെ
പൊന്നമ്പിളിയായ് വന്നൂ
പൊൻ നിറമോലുന്ന നെറ്റിയിലിത്തിരി
കുങ്കുമമണിയിക്കട്ടെ
ശംഖുവള കൈയ്യിലണിയിക്കട്ടെ നിന്നെ
മംഗല്യവതിയായ് ഞാൻ കാണട്ടെ
കണി കാണട്ടെ

എള്ളെണ്ണ തൻ മണമോലും മുടിച്ചാർത്തിൽ
മുല്ലപ്പൂവണിയിക്കട്ടെ
മഞ്ഞക്കസവുടയാട ചാർത്തി എന്റെ
മഞ്ചത്തിൽ നിന്നെ ഞാൻ കാണട്ടെ
കണി കാണട്ടെ

Song details

Film/album: ലളിതഗാനങ്ങൾ