Malayalam lyrics

ക്ഷണേ ക്ഷണേ നവനവമായ് മാറും
രമണീയതയാം കവിതേ
നരജീവിതമാം വേദന വാറ്റിയൊ
രമൃതമെനിക്ക് തരൂ
ഓരോ സൂര്യോദയവും പുതിയൊരു
ചാരുതയാവുന്നു
ഓരോ പൂവും ലാവണ്യത്തി
ന്നോരോ കുളിരോളം

കൂഹൂ കൂഹൂ കുയിൽ മൊഴി കേൾക്കെ
കേൾക്കെയൊരുന്മാദം
അതു കേൾക്കാൻ ഞാനേറെ നടന്നീ
തൊടികളിലണയുന്നു

കാണെക്കാണെ കൺ കുളിരുന്നൊരു
കാമിനിയീ ഭൂമി
ഉരുകുമുഷസ്സിനെ എരിയും സന്ധ്യയെ
ഇവിടെത്തിരയുന്നു

Song details

Film/album: ലളിതഗാനങ്ങൾ