Malayalam lyrics

ഇതിലേ ഇതിലേ
ഇതിലേ ഈ സൗന്ദര്യതീരത്തിലുല്ലാസ
പഥികയായിതിലേ വരൂ
ഇളകും വനശ്രീ തൻ അളകങ്ങളിൽ സ്വർണ്ണ
ശലഭങ്ങളായി പരന്നു വരൂ
പറയാത്ത വാക്കിന്റെ പാദസരമണി
ച്ചിരി കേട്ടു നീയുണരൂ പാടിപ്പതിയാത്ത
പാട്ടിന്റെയേഴിതൾ പൂവിന്റെ
പരിമളം നീ നുകരൂ

എഴുതാത്ത കാവ്യത്തിൽ ഭാവസൗന്ദര്യങ്ങൾ
ഹൃദയമേ കണ്ടുണരൂ ആടി
ത്തളരാത്ത പാദങ്ങൾ താഴത്തെഴുതുന്ന
കളമൊന്നു കണ്ടുണരൂ

Song details

Music: കെ രാഘവൻ

Film/album: ലളിതഗാനങ്ങൾ