Malayalam lyrics

എത്ര മനോഹരമീ ഭൂമി
ചിത്രത്തിലെഴുതിയ പോലെ ആരോ
ചിത്രത്തിലെഴുതിയ പോലെ
ചൈത്ര സഖി വന്നു ചമയിച്ചൊരുക്കിയൊ
രാശ്രമകന്യയെ പോലെ (എത്ര..)
 
 
 മഞ്ഞിൻ കുളിരിൽ കൂടണയുന്നു
 മഞ്ഞക്കിളികളും  ൻജാനും
കിളിക്കു കൂട്ടിൽ മിന്നാമിന്നികൾ
വിളക്കു കാട്ടുമ്പോൾ
എനിക്കു കൂട്ടിനു സ്വപ്നങ്ങൾ
എൻ അരുമസ്വപ്നങ്ങൾ (എത്ര...)
 
കുന്നിൻ ചെരുവിൽ കുടമണി തുള്ളി
കന്നുകൾ മേയും പുൽമേട്
എനിക്ക് കദളിത്തേനും കനിയും
തിനയുമൊരുക്കീടും
തളിർ നാക്കിലകൾ താഴ്വരകൾ ഈ
പവിഴത്താഴ്വരകൾ (എത്ര..)

Song details

Music: ജി ദേവരാജൻ

Film/album: ഇവിടെ എല്ലാവർക്കും സുഖം