Malayalam lyrics

ചിങ്ങം പിറന്നല്ലോ
പൊന്നും വയൽക്കിളിയേ
എങ്ങുപോയ് എങ്ങുപോയ് നീ
എന്റെ പകൽക്കിളിയേ (ചിങ്ങം..)
സ്വർണ്ണക്കതിർമണത്തിൽ നിന്റെ
ചുണ്ടിൻ മണമില്ല
പൊങ്ങുന്ന പൂവിളിയിൽ നിന്റെ
കൊഞ്ചലറിഞ്ഞില്ല
എന്നെ മറന്നോ നീ
എന്റെ പാട്ടും മറന്നോ നീ
ഒന്നിച്ചു നാം കണ്ട സ്വപ്നം
എല്ലാം മറന്നോ നീ (ചിങ്ങം...)
മേടക്കുളിരകറ്റാൻ തന്ന
കീറക്കമ്പടത്തിൽ
നാളെത്ര പോയാലും
എന്റെ മാറിലെ ചൂടുറങ്ങും
പാതിയിടവത്തിൽ കാറ്റത്തു
പാതിയും ചത്തവളേ
പിന്നെ മിഥുനത്തിൽ എന്റെ
പ്രാണനും തിന്നവളേ (ചിങ്ങം..)

Song details

Music: രവീന്ദ്രൻ

Film/album: ഉത്സവഗാനങ്ങൾ 3 - ആൽബം