Malayalam lyrics

അറബിക്കടലൊരു മണവാളന്‍
കരയോ നല്ലൊരു മണവാട്ടി
പണ്ടേ പണ്ടേ പായിലിരുന്നു
പകിടയുരുട്ടി കളിയല്ലോ
(അറബിക്കടലൊരു)
കടലല നല്ല കളിത്തോഴന്‍
കാറ്റോ നല്ല കളിത്തോഴി (കടലല)
കരയുടെ മടിയില്‍ രാവും പകലും
കക്ക പെറുക്കി കളിയല്ലോ (കരയുടെ)
(അറബിക്കടലൊരു)
നീളെ പൊങ്ങും തിരമാല
നീലക്കടലിന്‍ നിറമാല (നീളെ)
കരയുടെ മാറിലിടുമ്പോഴേയ്ക്കും
മരതക മുത്തണി മലര്‍ മാല (കരയുടെ)
കാറ്റ് ചിക്കിയ തെളിമണലില്‍
കാലടിയാല്‍ നീ കഥയെഴുതി (കാറ്റ്)
വായിക്കാന്‍ ഞാനണയും മുന്‍പേ
വന്‍ തിര വന്നത് മായ്ച്ചല്ലോ (വായിക്കാന്‍)
(അറബിക്കടലൊരു)

Song video

Watch on YouTube

Song details

വർഷം: 1964

സംഗീതം: എം എസ്‌ ബാബുരാജ്‌

ഗാനരചന: പി ഭാസ്കരൻ

ഗായകർ: കെ ജെ യേശുദാസ്, പി സുശീല

രാഗം: മോഹനം

ഹിന്ദുസ്ഥാനി രാഗം: ഭൂപാളി, ഭൂപ്, ദേശ് കാർ, ജൈത് കല്യാൺ

വർഗ്ഗീകരണം: പ്രേമഗാനങ്ങൾ

അഭിനേതാക്കൾ: പ്രേം നസീർ, വിജയ നിർമ്മല

വിശദവിവരങ്ങൾ: Latha Nair (Malayalam Lyrics)

വിഡിയോ: ഗാനസ്നേഹി

Album: ഭാർഗ്ഗവീ നിലയം