Malayalam lyrics

അനുരാഗമധുചഷകം അറിയാതെ മോന്തിവന്ന
മധുമാസ ശലഭമല്ലോ - ഞാനൊരു
മധുമാസ ശലഭമല്ലോ (അനുരാഗമധുചഷകം)
അഴകിന്റെ മണിദീപജ്വാലയെ ഹൃദയത്തില്‍
അറിയാതെ സ്നേഹിച്ചല്ലോ - ഞാനൊരു
മലര്‍മാസശലഭമല്ലോ
അഗ്നിതന്‍ പഞ്ജരത്തില്‍ പ്രാണന്‍ പിടഞ്ഞാലും
ആടുവാന്‍ വന്നവള്‍ ഞാന്‍
നെഞ്ചിലെ സ്വപ്നങ്ങള്‍ വാടിക്കൊഴിഞ്ഞാലും
പുഞ്ചിരി കൊള്ളും ഞാന്‍ (അനുരാഗമധുചഷകം)
ചിറകു കരിഞ്ഞാലും ചിതയിലെരിഞ്ഞാലും
പിരിയില്ലെന്‍ ദീപത്തെ ഞാന്‍ - വിട്ടു
പിരിയില്ലെന്‍ ദീപത്തെ ഞാന്‍ (അനുരാഗമധുചഷകം)

Song video

Watch on YouTube

Song details

വർഷം: 1964

സംഗീതം: എം എസ്‌ ബാബുരാജ്‌

ഗാനരചന: പി ഭാസ്കരൻ

ഗായകർ: എസ് ജാനകി

അഭിനേതാക്കൾ: പ്രേം നസീർ

വിശദവിവരങ്ങൾ: kskumar_kumar

വിഡിയോ: ഗാനസ്നേഹി

Album: ഭാർഗ്ഗവീ നിലയം