Malayalam lyrics

ആകാശവീഥിയിൽ തളർന്നുമയങ്ങുന്ന
ആലംബഹീനയാം താരകമേ
ഇന്നലെ രാവിൽ നിന്നെ പുൽകിയ
പ്രിയചന്ദ്രൻ ഇന്നെന്തേ ഉറക്കമായോ
ആകാശവീഥിയിൽ തളർന്നുമയങ്ങുന്ന
ആലംബഹീനയാം താരകമേ
രാവിൽ വിടരും പൂക്കളെ തഴുകാൻ
രാഗാർദ്രനായെത്തും പൂന്തെന്നലേ
എന്നന്തരാത്മാവിൻ സ്വപ്നമുണർത്തിയ
എൻപ്രാണനാഥനെ കണ്ടുവോ നീ
കണ്ടുവോ നീ കണ്ടുവോ നീ
കണ്ടുവോ നീ
ആകാശവീഥിയിൽ തളർന്നുമയങ്ങുന്ന
ആലംബഹീനയാം താരകമേ
നിശാഗന്ധിതൻ മനസ്സിൽ തുളുമ്പും
മധുനുകരാനെത്തും ശലഭമേ
എൻസ്വപ്ന രാജ്യത്തെ ദേവകുമാരനാം
എൻ ഹൃദയേശനെ കണ്ടുവോ നീ
കണ്ടുവോ നീ കണ്ടുവോ നീ
കണ്ടുവോ നീ
ആകാശവീഥിയിൽ തളർന്നുമയങ്ങുന്ന
ആലംബഹീനയാം താരകമേ

Song details

Music: മുഹമ്മദ് സുബൈർ

Film/album: സ്വാമി ശ്രീനാരായണഗുരു