Agnikireedamaninjavale / അഗ്നികിരീടമണിഞ്ഞവളേ

Malayalam lyrics

അഗ്നികിരീടമണിഞ്ഞവളേ
അഞ്ജനമിഴികള്‍ നിറഞ്ഞവളേ
ചുറ്റും പരിമള ധൂപം പരത്തിനീ
കത്തും ചന്ദനത്തിരിപ്പോലെ
കത്തും ചന്ദനത്തിരിപോലെ
മൂവുരുതള്ളിപ്പറഞ്ഞുനിന്നെ
മൂടുപടങ്ങളണിഞ്ഞലോകം
മുഖം മൂടികള്‍ക്കുള്ളിലൊളിച്ച ലോകം
മൂകദുഖത്തിന്റെ മുത്തുമായ്
മൂവന്തിയെപ്പോലെരിഞ്ഞടങ്ങും
(അഗ്നികിരീടം...)
കണ്ണുനീര്‍പ്പാടത്തിന്‍ പാഴ്വരമ്പില്‍
കണ്മണിനീയാരെ കാത്തുനിന്നൂ?
നിറകണ്ണുമായാരെ നീ കാത്തുനിന്നൂ?
ആരും മുകരാതെ നീചിരിച്ചൂ
ആരാരും കാണാതെ നീകരഞ്ഞൂ
മിഴി തോരാതെ തോരാതെ നീകരഞ്ഞു
(അഗ്നികിരീടം...)