Malayalam lyrics

ആവേ മരിയ ആവേ ആവേ
വ്യാകുലമാതാവേ ലോകമാതാവേ
എന്നെ പരീക്ഷയിൽ പൂകിക്കരുതേ
പാപം ചെയ്യിക്കരുതേ
ചൂടാനല്ലാ മറ്റൊരാളെ ചൂടിക്കാനല്ല
ഇറ്റലിയിൽ വിടർന്നതീ
ഇത്തിരി ലില്ലിപ്പൂ
ഇതിന്റെ വെണ്മയുമാത്മ വിശുദ്ധിയും
ഇതിന്റെ സൗരഭ്യവും
അവിടുത്തെ തൃച്ചേവടികളിൽ
അർപ്പിക്കാനല്ലോ
അണിയാനല്ല മാല കോർത്തിതണിയിക്കാനല്ലാ
ഇതളിതളായ് മലർന്നതീ
ഇത്തിരി ലില്ലിപ്പൂ
ഇതിന്റെ ശൈശവ കൗമാരങ്ങളും
ഇതിന്റെ യൗവനവും
അവിടുത്തെ തൃപ്പാദങ്ങളിൽ
അർപ്പിക്കാനല്ലോ

Song details

വർഷം: 1973

സംഗീതം: എൽ പി ആർ വർമ

ഗാനരചന: വയലാർ രാമവർമ്മ

ഗായകർ: എസ് ജാനകി

വരികൾ: ജിജാ സുബ്രമണ്യൻ, ശ്രീദേവി

Album: തൊട്ടാവാടി