Malayalam lyrics

വെള്ളാരം കുന്നത്ത് 

തിങ്കളിതാ പൊങ്ങുന്നേ

വെള്ളിപ്പൂം കൊലുസ്സിട്ട്

പെണ്ണാളും തുള്ളുന്നേ 

തുള്ളാരം തുള്ളി വരും 

കുഞ്ഞിക്കിളി പാറുന്നേ

തുള്ളിയോടിയും ചിന്തു പാടിയും

തുള്ളിയാടിടാം നമ്മൾക്കാഘോഷം

(വെള്ളാരം...)

മനമിന്നൊരു തേന്മാവ് 

മയിലാടും പൂങ്കാവ്‌

കടലോര പൂവലയിൽ 

കളിയാടും പൂന്തോണി

ഇനി നാവിൽ പാട്ടുണ്ട് 

ദ്രുതതാള ചേലുണ്ട്

മണിനാഗം പോലഴകായ് 

ഉടലാടും ചോടുണ്ട്

കളിയാടും പൈങ്കിളിയേ.. 

ഇടനെഞ്ചിൽ കനിവില്ലേ 

ഇണ പാടും കാടില്ലേ

കെസ്സുപാട്ടുമായ് 

ഒത്തു ചേർന്നു നാം 

നൃത്തമാടിടാം മേളത്തിൽ

(വെള്ളാരം...)

ഇനിയൊന്ന് ചാഞ്ചാട്

കതിരോല ഊഞ്ഞാലിൽ

കണിവാഴ തൊങ്ങലുകൾ 

വരവേൽക്കും താലങ്ങൾ

ശ്രുതി മൂളി ചാഞ്ചാട് 

മണിവർണ്ണ പൂമ്പാറ്റേ

നുരചിന്നും ചിരിയോടെ 

നിറയുന്നു തേൻചോല

കളിവാക്കിൻ കിങ്ങിണിയോ..

ലയമാർന്ന പൂവിനകം 

ലാവണ്യ തേൻകൂട്

പ്രേമലോലനായ് രാഗരൂപനായ്

ഓളമാർന്നു വാ പൂമ്പാറ്റേ

(വെള്ളാരം...)

Song video

Watch on YouTube

Song information

Music: രവീന്ദ്രൻ

Lyricist: ഗിരീഷ് പുത്തഞ്ചേരി

Singer: ദലീമ

Film/album: ഇംഗ്ലീഷ് മീഡിയം

Explore this song