Malayalam lyrics

മഴലക്കാലമേഘങ്ങൾ ആകെപ്പടരവെ
പുഞ്ചിരിപ്പൂമുഖം വാടിവീണു
ഇരുളിൻ കോലങ്ങൾ ആടിഅടുക്കവെ
കനകമാം കതിരൊളി മാഞ്ഞുപോയി
സന്ധ്യാഹൃദയം പിടഞ്ഞുപോയി

മഴലക്കാലമേഘങ്ങൾ ആകെപ്പടരവെ
പുഞ്ചിരിപ്പൂമുഖം വാടിവീണു

നിറവിൺ നിഴൽ പോലും നേർത്തൊഴിയവേ
നിറയുന്നു മിഴികളിൽ നീർത്തുള്ളീകൾ (2)
കനവിന്റെ ദീപങ്ങൾ നീറിയൊടുങ്ങവേ
കനക്കുന്നു കരിവാർന്ന മൂകഭാവം

മഴലക്കാലമേഘങ്ങൾ ആകെപ്പടരവെ
പുഞ്ചിരിപ്പൂമുഖം വാടിവീണു

നീളുന്നയേകാന്ത വീഥിയിലേറവേ
അകലുന്നു മോഹത്തിൻ പൂവിളികൾ (2)
മൗനത്തിൻ ധാരയിൽ ആണുപോകവേ
നിലക്കുന്നു ജീവിത ആത്മതാളം

മഴലക്കാലമേഘങ്ങൾ ആകെപ്പടരവെ
പുഞ്ചിരിപ്പൂമുഖം വാടിവീണു
ഇരുളിൻ കോലങ്ങൾ ആടിഅടുക്കവെ
കനകമാം കതിരൊളി മാഞ്ഞുപോയി
സന്ധ്യാഹൃദയം പിടഞ്ഞുപോയി

Song information

Music: ആർ എൻ രവീന്ദ്രൻ

Lyricist: അനിൽ കാരക്കുളം

Singer: ആർ എൻ രവീന്ദ്രൻ

Film/album: ഈ തിരക്കിനിടയിൽ

Explore this song