Malayalam lyrics

മലർക്കിളീ തളിർക്കിളീ

മണിത്തൂവൽ പൂ നീ ചാർത്താമോ 

മഴക്കുളിർ നിറഞ്ഞിടും

മയിൽപ്പീലി പൊൻപൂ ചൂടാമോ

ഈ കൂട്ടിൽ നീ വാ

പൊൻതൂവൽ നീ ചെന്തേനല്ലി

വെൺമേഘങ്ങൾ ചൂടും നേരം

എൻ മനസ്സാകെ നീ പൂക്കുമോ 

ഓ മലർക്കിളീ തളിർക്കിളീ

മണിത്തൂവൽ പൂ നീ ചാർത്താമോ 

മേലാകെ ഈറൻ പൂമാനത്തെന്നൽ

പൂമാനത്തിൻ മഴവില്ലു തീർക്കേ

താരുണ്യം താഴമ്പൂ ലാവണ്യത്തിൻ

പൂമാടങ്ങൾ ഇഴപാകും നേരം

രാഗാർദ്രയെൻ മോഹങ്ങളിൽ

രാക്കൂടുകൾ തീർക്കാൻ വരൂ

മെയ്യാകെ പൂരേഖ ചാർത്താൻ പോരൂ 

ഓ മലർക്കിളീ തളിർക്കിളീ

മണിത്തൂവൽ പൂ നീ ചാർത്താമോ 

ഹേമന്തരാവിന്റെ പൊൻപൂവുകൾ

രോമാഞ്ചത്തിൻ കണിനാളം തീർക്കേ

പൂവേലസ്സാടുന്ന താളങ്ങളിൽ

പൊൻവീണകൾ ശ്രുതിപാടും രാവിൽ

ഹേമാംഗിയെൻ ദാഹങ്ങളിൽ

പൂവമ്പുകൾ എയ്യാൻ വരൂ

മേലാകെ നാണപ്പൂ മൂടാൻ പോരൂ 

ഓ മലർക്കിളീ തളിർക്കിളീ

മണിത്തൂവൽ പൂ നീ ചാർത്താമോ 

മഴക്കുളിർ നിറഞ്ഞിടും

മയിൽപ്പീലി പൊൻപൂ ചൂടാമോ

ഈ കൂട്ടിൽ നീ വാ

പൊൻതൂവൽ നീ ചെന്തേനല്ലി

വെൺമേഘങ്ങൾ ചൂടും നേരം

എൻ മനസ്സാകെ നീ പൂക്കുമോ 

ഓ മലർക്കിളീ തളിർക്കിളീ

മണിത്തൂവൽ പൂ നീ ചാർത്താമോ

Song video

Watch on YouTube

Song information

Music: എസ് പി വെങ്കടേഷ്

Lyricist: ഭരണിക്കാവ് ശിവകുമാർ

Singer: കെ എസ് ചിത്ര

Film/album: ചെങ്കടൽ

Explore this song