Malayalam lyrics

മേക്കരയില് തിരയടിക്കണ്.. പീലിക്കണ്ണാളേ

പൂന്തിരയില് മീൻ പെടയ്ക്കണ്.. നീലക്കണ്ണാളേ

ആടിയെത്തണ് പാടിയെത്തണ് ചാകരക്കോള്

ഈ തുറയില് തോണിയെത്തണ നേരമിന്നാണ്

വരും ഉല്ലാസക്കാലം.. നല്ലോമൽക്കാലം

കയ്യോട്‌ കൈ ചേർന്നിടാം

പുതു സംഗീതം പാടി കൊണ്ടാടും മേളം

പൂക്കാലം വന്നോമലേ

മണ്ണിന്നുള്ളം കാണാൻ ഈ വിണ്ണിൻ നാളം വന്നേ

ഏദൻ തോട്ടം താഴെ വന്നേ

മിന്നും പൊന്നും ചൂടി... ആ കുഞ്ഞോടങ്ങളാടി

ചെല്ലക്കാറ്റും കൂടെ പാടുന്നേ

മേക്കരയില് തിരയടിക്കണ്.. പീലിക്കണ്ണാളേ

പൂന്തിരയില് മീൻ പെടയ്ക്കണ് നീലക്കണ്ണാളേ

ആടിയെത്തണ് പാടിയെത്തണ് ചാകരക്കോള്

ഈ തുറയില് തോണിയെത്തണ നേരമിന്നാണ്

ആ ...ആ

സിയോണിലെ കാറ്റേ വരൂ വരൂ കൂടെ

പരിമളത്തൈലം തൂകാനായ്

ഇളംമഞ്ഞു വീഴും.. ഒലീവിലക്കാടായ്

കടൽക്കരമാറി ഷാരോണായ്

മാരിവില്ലു മാനമൊന്നു നീർത്തിടുന്നിതാ

പൂ പറത്തി പ്രാവിനങ്ങൾ പാറിടുന്നിതാ

മണ്ണിലാകെ നല്ലനാളു് വന്നു ചേർന്നിതാ.

പാടിടുന്നു.. മാലാഖമാർ

മണ്ണിന്നുള്ളം കാണാൻ ഈ വിണ്ണിൻ നാളം വന്നേ

ഏദൻതോട്ടം താഴെ വന്നേ...

മിന്നും പൊന്നും ചൂടി ആ കുഞ്ഞോടങ്ങളാടി

ചെല്ലക്കാറ്റും കൂടെപ്പാടുന്നേ

മേക്കരയില് തിരയടിക്കണ് പീലിക്കണ്ണാളേ

പൂന്തിരയില് മീൻ പെടയ്ക്കണ് നീലക്കണ്ണാളേ

ആടിയെത്തണ് പാടിയെത്തണ് ചാകരക്കോള്

ഈ തുറയില് തോണിയെത്തണ നേരമിന്നാണ്

ഓ ..ഓ

ഇടയന്റെ ഗീതം നിലാവുമായ്‌ ചേർന്നു

പരിസരമേതോ പൂങ്കാവായ്

ഇനി വരും കാലം.. നിറങ്ങളിൽ നീന്തും

ചിരിച്ചെപ്പു നീട്ടി സൗഭാഗ്യം

മുന്തിരിപ്പൂ മുത്തണിഞ്ഞു കുഞ്ഞു വള്ളികൾ

കുന്തിരിക്കം കൊണ്ടുവന്നു മഞ്ജു സന്ധ്യകൾ

അന്തിവെയിൽ പൊന്നണിഞ്ഞു പള്ളിമേടയിൽ

മംഗളങ്ങൾ വാസന്തമേ

മണ്ണിന്നുള്ളം കാണാൻ.. ഈ വിണ്ണിൻ നാളം വന്നേ

ഏദൻതോട്ടം താഴെ വന്നേ

മിന്നും പൊന്നും ചൂടി ആ കുഞ്ഞോടങ്ങളാടി

ചെല്ലക്കാറ്റും കൂടെപ്പാടുന്നേ

മേക്കരയില് തിരയടിക്കണ് പീലിക്കണ്ണാളേ

പൂന്തിരയില് മീൻ പെടയ്ക്കണ് നീലക്കണ്ണാളേ

ആടിയെത്തണ് പാടിയെത്തണ് ചാകരക്കോള്

ഈ തുറയില് തോണിയെത്തണ നേരമിന്നാണ്

വരും ഉല്ലാസക്കാലം നല്ലോമൽക്കാലം

കയ്യോട്‌ കൈ ചേർന്നിടാം

പുതു സംഗീതം പാടി കൊണ്ടാടും മേളം

പൂക്കാലം വന്നോമലേ

മണ്ണിന്നുള്ളം കാണാൻ ഈ വിണ്ണിൻ നാളം വന്നേ

ഏദൻ തോട്ടം താഴെ വന്നേ

മിന്നും പൊന്നും ചൂടി... ആ കുഞ്ഞോടങ്ങളാടി

ചെല്ലക്കാറ്റും കൂടെ പാടുന്നേ

Song information

Music: വിദ്യാസാഗർ

Lyricist: റഫീക്ക് അഹമ്മദ്

Singer: രഞ്ജിനി ജോസ്ജിതിൻ രാജ്

Film/album: മറിയം മുക്ക്

Explore this song