Malayalam lyrics

പാൽവർണ്ണക്കുതിരമേൽ ഇരുന്നൊരുത്തൻ ഇതാ പാമ്പിനെ എതിർക്കുവാൻ പുറപ്പെടുന്നേ..

പണ്ടത്തെ ചരിതത്തിൽ സഹദായെപ്പോലവൻ നായാടാൻ മനസ്സു കൊണ്ടൊരുക്കമായേ...

ചിറകുണ്ട് ഫണമുണ്ടെന്നഹങ്കരിയ്ക്കും പാമ്പേ 

ഇവയൊന്നും ചിരകാലമിരിപ്പതല്ലാ..

പാരാകെ വിഷം തുപ്പും കുടിലപ്പാമ്പേ ചൊല്ല് 

നേരിനെ ജയിപ്പാൻ നീ കരുത്തനാണോ.. ?

മനമാണാ മിടുക്കന്റെ പടക്കുതിര ..

മതിയാണാ പോരാളിയ്ക്ക് തിളങ്ങും വേല് ..

കുതിര തൻ കാലിൽ ചുറ്റിപ്പിടിയ്ക്കും പാമ്പേ - പിടി കുതറിക്കുളമ്പടിച്ച് കുതിയ്ക്കും വീരൻ..

നിൻ വഴികളിൽ തടയിടും ശിലകളെതിരെ പൊരുതി നിൻ എതിരിനായ് അണയുമീ നിരയിൽ കനല് വിതറി നീ ഉശിരുമായ് കളമിതിൽ കളികൾ തുടര് തുടര് നിൻ 

അടരിൽ നീ അനുദിനം വിജയവഴിയിലണയ്

മദമടിമുടി നിറയും പാമ്പ് , 

മതി മതി കളി മതി നിൻ ആട്ടം രണ്ടാളിലെയൊരുവൻ മണ്ണിൽ വീഴും വരെയിനിയീ യുദ്ധം.. പകലുകളും രാവും താണ്ടി 

പട തുടരും നിൻ നേരേ കുടിലതയെ പാടേ നീക്കാ-

നൊരു മഴു വീഴും അടിവേരിൽ 

അകമേയേറിയ വൈരം നിന്നിലെ വിഷമായ് മാറുമ്പോൾ വിളയാട്ടത്തിന് തീർപ്പുണ്ടാക്കാൻ 

വരവായേ വീരൻ..

Song information

Music: ജേക്സ് ബിജോയ്

Lyricist: സന്തോഷ് വർമ്മ

Singer: ജേക്സ് ബിജോയ്

Film/album: കടുവ

Explore this song