Malayalam lyrics

പുലരിപ്പൂപ്പെണ്ണേ ഇളവെയിലും ചുറ്റി പതിവായിട്ടെങ്ങാണ്
മുടിമേലേകെട്ടി ഇരുകൈയ്യും വീശി കുതറിപ്പോക്കെങ്ങാണ്
പമ്മിപ്പമ്മി വന്നാലും.. തെന്നിപ്പോകും കാറ്റാണോ
ഉള്ളിന്നുള്ളിൽ തീയാളും..
ഒരു മഞ്ജുനിലാവാണോ ഹോയ്..
പുലരിപ്പൂപ്പെണ്ണേ ഇളവെയിലും ചുറ്റി പതിവായിട്ടെങ്ങാണ്
മുടിമേലേകെട്ടി ഇരുകൈയ്യും വീശി കുതറിപ്പോക്കെങ്ങാണ്
തനനന്ന നാനാനാ..  തനനന്ന നാനാനാ..  തനനന്ന നാനാനാ.. 

നിറകതിരാളും ഒരു സ്നേഹദീപമാണോ
മുറിവുകളോലും ഒരു പ്രേമഗാനമോ
അതിരറിയാതെ അലയുന്ന മേഘമാണോ
ഇതളിലുലാവും ഒരു മഞ്ഞുതുള്ളിയോ
എത്താക്കൊമ്പിലെന്നും ചിരിവെട്ടം തൂകി നില്പൂ
തൊട്ടാൽ മുള്ളുകോറും ഒരു തൊട്ടാവാടിയല്ലോ
തൊട്ടുതൊട്ടില്ലെന്ന് പെട്ടെന്ന് മായുന്നൊരുച്ചക്കിനാവാണോ ഹോയ്
പുലരിപ്പൂപ്പെണ്ണേ ഇളവെയിലും ചുറ്റി പതിവായിട്ടെങ്ങാണ്
മുടിമേലേകെട്ടി ഇരുകൈയ്യും വീശി കുതറിപ്പോക്കെങ്ങാണ്
ആ ..ആഹാ ..ലാലാ ..ലാലാ..ലാലാ 

സ്മരണകൾ മേയും ഒരു തീരഭൂമിയാണോ
മറവികൾ പായും ഒരു രാജവീഥിയോ
മിഴികളിലേതോ നനവാർന്ന മൗനമാണോ
കരളിതിലാളും കനലോ വിഷാദമോ
കണ്ടാലൊന്നു വീണ്ടും ചിരികാണാൻ തോന്നുമല്ലോ
മിണ്ടാനൊന്നുകൂടെ ആരും പിമ്പേ പോരുമല്ലോ
തണ്ടൊടിച്ചങ്ങനെ കൊണ്ടുപോകാനുള്ള മുന്തിരിത്തൈയ്യാണോ

പുലരിപ്പൂപ്പെണ്ണേ ഇളവെയിലും ചുറ്റി പതിവായിട്ടെങ്ങാണ്
മുടിമേലേകെട്ടി ഇരുകൈയ്യും വീശി കുതറിപ്പോക്കെങ്ങാണ്
പമ്മിപ്പമ്മി വന്നാലും.. തെന്നിപ്പോകും കാറ്റാണോ
ഉള്ളിന്നുള്ളിൽ തീയാളും..
ഒരു മഞ്ജുനിലാവാണോ...

Song information

Music: വിദ്യാസാഗർ

Lyricist: റഫീക്ക് അഹമ്മദ്

Singer: വിജയ് യേശുദാസ്

Film/album: എന്നും എപ്പോഴും

Explore this song