Malayalam lyrics

പാലപ്പൂവിതളിൽ വെണ്ണിലാപ്പുഴയിൽ

ലാസ്യമാർന്നണയും സുരഭീരാത്രി

അനുരാഗികളാം തരുശാഖകളിൽ;

ശ്രുതി പോൽ പൊഴിയും ഇളമഞ്ഞലയിൽ

കാതിൽ നിൻ സ്വരം (പാലപ്പൂവിതളിൽ..)

 

മകരമഞ്ഞു പെയ്തു

തരളമാം കറുകനാമ്പുണർന്നു

പ്രണയമാം പിറാവേ

എവിടെ നീ കനവു പോൽ മറഞ്ഞൂ

അത്തിക്കൊമ്പിൽ ഒരു മൺകൂടുതരാം

അറ്റം കാണാവാനം നിനക്കു തരാം

പകരൂ കാതിൽ തെനോലും നിൻ മൊഴികൾ (പാലപ്പൂവിതളിൽ..)

 

 

വഴിമരങ്ങളെല്ലാം ഏതോ മഴ നനഞ്ഞു നിന്നൂ

ഇലകളോ നിലാവിൻ

ചുമലിൽ പതിയെ ചാഞ്ഞുറങ്ങീ

നൃത്തം വെയ്ക്കും നക്ഷത്രത്തരികളിതാ

തത്തിതത്തിക്കളിപ്പൂ നിൻ മിഴിയിൽ

പകരൂ നെഞ്ചിൽ നനവോലും നിൻ മൊഴികൾ  (പാലപ്പൂവിതളിൽ..)

Song information

Music: ശരത്ത്

Lyricist: റഫീക്ക് അഹമ്മദ്

Singer: ശ്വേത മോഹൻകെ കെ നിഷാദ്

Film/album: തിരക്കഥ

Explore this song