Malayalam lyrics

നോവുഭാരം  ചുമലിൽ താങ്ങാൻ 

നൂറു കാതം താണ്ടീടാൻ

കാലമാകും രജകൻ പോറ്റും

 പ്രാണിയാണീ പാവങ്ങൾ

വിധി തരുന്ന വിഴുപ്പും പേറി 

വീഥി തോറും പായുമ്പോൾ

കുതികുതിച്ചു തമസ്സിൻ കുഴിയിൽ 

വീണുകേഴും കാക്കാലരാക്കോലങ്ങൾ  (നോവുഭാരം)

പാപജന്മപ്പടവുകൾ കേറി

പാത തോറുമലഞ്ഞാലും

കൊത്തിനായൊരു വറ്റു കിടയ്ക്കാൻ

കൊതി മുഴുത്തു നടന്നാലും

കഷ്ടജാതകമെരിയാലോ ശിഷ്ടജീവിതകഥയാവോ

മെയ് തളർന്നു മയങ്ങുമ്പോൾ

കൈവരുന്നതു കണ്ണീർക്കിനാവല്ലയോ  ( നോവുഭാരം  )

വേനലേകും വെയിലിൽ നിന്നും

വർഷകാലം പോൽപ്പെയ്തും

സ്വപ്നവാണിഭയാത്രകളിൽ

പൊൻകിനാവിൻ പൂ വിറ്റും

കുഞ്ഞുമോഹക്കൂടുകളിൽ

കൂരിരുട്ടിൻ രാവുകളിൽ

ശോകരാഗം പാടുകയോ

നെഞ്ചുനീറ്റിയീ പാവങ്ങൾ രാപ്പാടികൾ (നോവുഭാരം)

Song information

Music: ബാലഭാസ്ക്കർ

Lyricist: ഗിരീഷ് പുത്തഞ്ചേരി

Singer: എം ജി ശ്രീകുമാർ

Film/album: കോരപ്പൻ ദി ഗ്രേറ്റ്

Explore this song