Malayalam lyrics

ദൂരെ ദൂരെ ഇതൾവിരിയാനൊരു സ്വപ്നം കാത്തുനിൽക്കുന്നു 

ജാലകം തുറക്കും കാറ്റിലൂടകലേ 

കണ്ടൂ തിരിനീട്ടി മലർതൂകും പുഞ്ചിരിമിന്നായം 

എന്നോ ഇനിയെന്നോ ഇതൾചൂടും നല്ലൊരു പൂക്കാലം 

ആരോ വിരൽതൊട്ടു നാളിന്റെ താളിലെ ചായം അലിഞ്ഞുപോകുന്നു 

വിരസങ്ങളെങ്കിലും അതിലാകെ മാനസം സൂര്യോദയം തിരയുന്നു 

കിളിവാതിലിൽ കേൾക്കുന്നുവോ ഏതോ പുലർപക്ഷി പാടും സ്വരം 

ദൂരെ ദൂരെ ഇതൾവിരിയാനൊരു സ്വപ്നം കാത്തുനിൽക്കുന്നു

എരിവേനൽ തീർക്കുന്ന കൈകൊണ്ടു ഋതുവൊന്നു പൂക്കാലവും രചിക്കുന്നു   

കഥയൊന്നുമറിയാതെ വിരിയേണ്ട തൂമലർ മഞ്ഞിൽ മയങ്ങിനിൽക്കുന്നു  

മനമാകവേ നിറയുന്നുവോ പൊന്നിൻ കിനാവിന്റെ മന്ദസ്മിതം 

ദൂരെ ദൂരെ ഇതൾവിരിയാനൊരു സ്വപ്നം കാത്തുനിൽക്കുന്നു

ജാലകം തുറക്കും കാറ്റിലൂടകലേ 

കണ്ടൂ തിരിനീട്ടി മലർതൂകും പുഞ്ചിരിമിന്നായം 

എന്നോ ഇനിയെന്നോ ഇതൾചൂടും നല്ലൊരു പൂക്കാലം

Song information

Music: ആനന്ദ് മധുസൂദനൻ

Lyricist: സന്തോഷ് വർമ്മ

Singer: ബിജു നാരായണൻ

Film/album: ഞാൻ മേരിക്കുട്ടി

Explore this song