Malayalam lyrics

താരാട്ടായ് ഈ ഭൂമി ഒരു വിൺതാരാട്ടായ്

താരാട്ടിന്നൂഞ്ഞാലായ് ഉദയാസ്തമയങ്ങൾ

പകലുകൾ കഥയോതി ഇരവുകൾ കനവുകളാടീ

മുകിലുകൾ മഴമീട്ടി മുളയിടും പുതുസ്വരലതകളിൽ

 

താരാട്ടായ് ഈ ഭൂമി ഒരു വിൺതാരാട്ടായ്

താരാട്ടിന്നൂഞ്ഞാലായ് ഉദയാസ്തമയങ്ങൾ

ആ ... ആ ... ആ ...

പകലിന്റെ ആരോഹം സ്വരസൂര്യനായ്

ഇരവാകുമാലാപം സ്വരതാരമായ്

പതികാലദ്യോവിൽ സഞ്ചരിക്കും നാദമായ്

പലകാലജാലം പന്തലിക്കും മിന്നലായ്

ഈ ഭൂമി തോരാതാർത്തു പാടീ

ജീവന്റെ പാരാവാര നനവുക-

ളുറവുകൾ പൊരുളുകൾ വരിശകൾ

താരാട്ടായ് ഈ ഭൂമി ഒരു വിൺതാരാട്ടായ്

താരാട്ടിന്നൂഞ്ഞാലായ് ഉദയാസ്തമയങ്ങൾ

സമയാന്തരാളത്തിൽ സ്വരധൂളിയാൽ

ഇള നെയ്യുമാലോല സുഖനിദ്രയിൽ

ലയഗോപുരത്തിൽ നാം ഭവിച്ചൂ ഷഡ്ജമായ്

വിയദാലയത്തിൽ നാം ബളർന്നൂ സപ്തമായ്

നാം ജീവരാഗാനന്ദമായീ നാദാഗ്നിതോറും പാറി

പലപല സ്വരലയ ജലധികൾ നെബുലകൾ

താരാട്ടായ് ഈ ഭൂമി ഒരു വിൺതാരാട്ടായ്

താരാട്ടിന്നൂഞ്ഞാലായ് ഉദയാസ്തമയങ്ങൾ

Song information

Music: ജേക്സ് ബിജോയ്

Lyricist: അൻവർ അലി

Singer: ശിഖ പ്രഭാകരൻ

Raaga: കീരവാണി

Film/album: ഇരട്ട

Explore this song