Malayalam lyrics

തെക്കൻകാറ്റിൽ ചേക്കേറി

തെന്മലയോര ചുരമേറി വരുന്നുണ്ടേ

തേരു വരുന്നുണ്ടേ

ചടുകുടുചാടി ചാഞ്ചാടി

കുടമണികെട്ടി കൂത്താടി വരുന്നുണ്ടേ

കൂടെ വരുന്നുണ്ടേ

അമ്മാനക്കുന്നിറങ്ങിയ കുറുമാലിക്കൂട്ടങ്ങൾ

ചെമ്മാനക്കാവിറങ്ങിയ ചോലച്ചെറുകിളികൾ

തെക്കൻകാറ്റിൽ ചേക്കേറി

തെന്മലയോര ചുരമേറി വരുന്നുണ്ടേ

തേരു വരുന്നുണ്ടേ

ആറ്റുവഞ്ഞിക്കാടുകടന്നും കൂരിയാറ്റക്കൂടുമെനഞ്ഞും

മാമഴ പെയ്യണ വാനവിധാനംനൂറുകടന്നും

വരിനെല്ലും പതിരുംതേടി കരിമണ്ണും നീരുംതേടി

ഹൃദയത്തിൽ വിങ്ങിപ്പൊങ്ങും മോഹങ്ങൾപേറി

പാട്ടുപാടുമീ കാട്ടുപക്ഷികൾ

ദേശാടനയാത്രാമൊഴി ചൊല്ലുന്നതു

ചൂളമെഴുംമൊഴിയിൽ

തെക്കൻകാറ്റിൽ ചേക്കേറി

തെന്മലയോര ചുരമേറി വരുന്നുണ്ടേ

തേരു വരുന്നുണ്ടേ

നാട്ടുകൂട്ട പെരുവഴി താണ്ടി

തേക്കുപാട്ടിൻ പഴമൊഴി മൂളി

കാവടിയാടണ പാടവരമ്പിൽ

ചെറുതേനും തിനയും തേടി

ചിറകാട്ടാൻ തണലുംതേടി

ഒരു കൊറ്റിനു വറ്റുണ്ണാനായ് നാടാകെചുറ്റി

പാഞ്ഞുപോകുമീ നോവുപക്ഷികൾ

ദേശാടനയാത്രാമൊഴി ചൊല്ലുന്നതു

ചൂളമെഴുംമൊഴിയിൽ

തെക്കൻകാറ്റിൽ ചേക്കേറി

തെന്മലയോര ചുരമേറി വരുന്നുണ്ടേ

തേരു വരുന്നുണ്ടേ

ചടുകുടുചാടി ചാഞ്ചാടി

കുടമണികെട്ടി കൂത്താടി വരുന്നുണ്ടേ

കൂടെ വരുന്നുണ്ടേ

അമ്മാനക്കുന്നിറങ്ങിയ കുറുമാലിക്കൂട്ടങ്ങൾ

ചെമ്മാനക്കാവിറങ്ങിയ ചോലച്ചെറുകിളികൾ

Song information

Music: ഔസേപ്പച്ചൻ

Lyricist: ഗിരീഷ് പുത്തഞ്ചേരി

Singer: എം ജി ശ്രീകുമാർ

Film/album: കേരളാഹൗസ് ഉടൻ വില്പനയ്ക്ക്

Explore this song