Malayalam lyrics

ഈ കല്‍പ്പടവില്‍ ഈ മരത്തണലില്‍

ഒരിക്കല്‍ കൂടി നീ‍ ഇരുന്നെങ്കിൽ

ഒരു വേനൽ മുഴുവനും അടരുന്ന പൂക്കളായ്

ഇനിയും നിന്നെ ഞാൻ മൂടിയേനെ... മൂടിയേനെ... 

( ഈ കൽപ്പടവിൽ ...)

ഒരു വർഷസന്ധ്യതൻ  പരിഭവഭംഗിയായി 

മൗനമായി വന്നുവെങ്കിൽ..  (2)

ഒരു മഴക്കാലം നിനക്കു ഞാൻ തന്നേനെ

അതിലൊരു മിന്നലായ് പടർന്നേനേ (2)

പടർന്നേനേ...

( ഈ കല്‍പ്പടവില്‍ ...)

ഹിമബിന്ദു ചൂടിയ പൂവിതളായ് നീ

ശിശിരത്തില്‍ വീണ്ടും ഉണര്‍ന്നെങ്കില്‍ (2)

ഹൃദയത്തിലാളും ചുവപ്പു ഞാന്‍ തന്നേനേ

ഉയിരിലെ ചൂടും പകര്‍ന്നേനേ (2)

പകര്‍ന്നേനേ..

( ഈ കല്‍പ്പടവില്‍ ...)

ഇനി വരും കാലങ്ങളറിയാത്ത പാതകളിൽ

ഒരു ബിന്ദുവിൽ വന്നു ചേർന്നുവെങ്കിൽ

ഇതുവരെ പറയാത്ത പ്രിയരഹസ്യം

ഹൃദയദലങ്ങളിൽ കുറിച്ചേനേ..

( ഈ കല്‍പ്പടവില്‍ ..)

Song information

Music: ബെന്നറ്റ് - വീത്‌രാഗ്വീത്‌‌‌രാഗ്

Lyricist: റഫീക്ക് അഹമ്മദ്

Singer: ആശ അജയ്

Film/album: ഔട്ട് ഓഫ് സിലബസ്

Explore this song