Malayalam lyrics

ആരുമറിയാതെ നെഞ്ചിനുള്ളിലെന്നോ  

കാത്തുവെച്ചു നിന്നെ കണ്ണാളേ

കണ്ണേറിഞ്ഞു നീയെന്‍

ഖല്‍ബില്‍ വന്നതല്ലേ കന്നിമയിലാളേ പൊന്നാളേ

കൊഞ്ചും കിളിയല്ലേ തഞ്ചും കൊലുസ്സല്ലേ

രൂഹിനുയുരാകും രാഹത്തായഴക്

ഇവളാതിരരാവിലെ അമ്പിളി തോല്‍ക്കണ അഴകു തെളിഞ്ഞൊരു പെണ്ണോ

ഇവളറബിക്കഥയിലെ രാജകുമാരിയോ ആളെ മയക്കണ ജിന്നോ

(ആരുമറിയാതെ ... )

പലരാവുകളെന്നില്‍ പടിവാതിലിനുള്ളില്‍

പടരുന്നൊരു പ്രണയത്തിരയായ് നീ

ഇടനെഞ്ചു തുടിക്കും ഇശലിന്റെ ഈണം

ഇടറാതെയിരുപ്പാണിച്ചൊടിയില്‍

മണവാട്ടീ നിന്നെയൊരുക്കാന്‍

മഹറൊന്നാമെയ്യില്‍ ചാര്‍ത്താന്‍

കൊതിയായ് ഖിത്താബിനുള്ളില്‍ മലരിതളായ്

ഇവളാതിരരാവിലെ അമ്പിളി തോല്‍ക്കണ അഴകു തെളിഞ്ഞൊരു പെണ്ണോ

ഇവളറബിക്കഥയിലെ രാജകുമാരിയോ ആളെ മയക്കണ ജിന്നോ

അവനൊന്നു തൊടുമ്പോള്‍ അരികത്തണയുമ്പോള്‍

പതയുന്നൊരു മധുവിന്‍ ചഷകം ഞാന്‍

അറയൊന്നു നിനക്കായ് അഴകോടെയൊരുക്കാം

അണയാത്തൊരു പ്രണയത്തീയായ് ഞാന്‍

നിറയേണം നീ റഹ്മത്തായ് അജബോടെ എന്‍ കിസ്മത്തായ്

നിറയായ് നീയെന്നിലെന്നും നറുമണമായ്

ഇവളാതിരരാവിലെ അമ്പിളി തോല്‍ക്കണ അഴകു തെളിഞ്ഞൊരു പെണ്ണോ

ഇവളറബിക്കഥയിലെ രാജകുമാരിയോ ആളെ മയക്കണ ജിന്നോ

Song information

Music: രാജേഷ് ബാബു

Lyricist: രചന സുബ്രഹ്മണ്യൻ കെ കെ

Singer: സുനിൽ കുമാർ പി കെഅൻവർ സാദത്ത്ആര്യനന്ദ ബാബു

Film/album: ആനന്ദകല്ല്യാണം

Explore this song