Malayalam lyrics
അയ്യനേ, ഹരിയിൽ ഹരനുള്ള മകനേ പമ്പയ്ക്കു പുളകമായ് വന്ന സുതനേ പതിനെട്ട്പടിമേലമർന്ന പൊരുളേ, പരമ ചൈതന്യമേ പകരേണമേ കൃപ ! അഴുതയെ തഴുകുന്ന കാറ്റേ... അഴലിനെ കഴുകുന്ന കാറ്റേ.... അയ്യപ്പസ്പർശനമേറ്റ തീരങ്ങളെ ആകെ വലംവെച്ചുവായോ.... അഴലിനെ കഴുകുന്ന കാറ്റേ.... (അഴുതയെ...) ഘോരവനാന്തരപാതകൾക്കപ്പുറം ചീറുംനരിക്കൂട്ടമുണ്ടോ?... (2) അതിനുള്ളിൽ പാലുമായ് അയ്യപ്പനോടൊപ്പ - മന്ന്പോയ് വന്നവരുണ്ടോ?.... അവരെ തഴുകി നീ വായോ ... (2) ആ ശരണമന്ത്രം വിളിച്ചോതിവായോ... സ്വാമിയേ ശരണമയ്യപ്പാ - - - - (chorus) ..... (അഴുതയെ...) നീലമേഘക്കീറിൽ ഇരുമുടികെട്ടുന്ന നീലിമലകൾക്കു താഴെ...(2) നീന്തുന്നപമ്പയിൽനീരാടിനീരാടി, നീറും മനസ്സുകൾക്കെന്നും... നീയാ കുളിരുമായ് വായോ... (2) ആ ശരണമന്ത്രം വിളിച്ചോതിവായോ... സ്വാമിയേ ശരണമയ്യപ്പാ - - - - (chorus) (അഴുതയെ...) അയ്യനേ, ഹരിയിൽ ഹരനുള്ള മകനേ പമ്പയ്ക്കു പുളകമായ് വന്ന സുതനേ പതിനെട്ട്പടിമേലമർന്ന പൊരുളേ, പരമ ചൈതന്യമേ പകരേണമേ കൃപ !(chorus)
Song information
Music: മിഥുൻ രാഗമാലിക
Lyricist: അൻസാരി ബഷീർ
Singer: സജിത്ത് ശങ്കർ
Raaga: ആരഭി
Film/album: അഴലിനെ കഴുകുന്ന കാറ്റ്-ആൽബം
Explore this song
- Singer: സജിത്ത് ശങ്കർ
- Film / album: അഴലിനെ കഴുകുന്ന കാറ്റ്-ആൽബം
- Composer: മിഥുൻ രാഗമാലിക
- Lyricist: അൻസാരി ബഷീർ