യവനിക ഉയരുന്നതിവിടെ

Malayalam lyrics

യവനിക ഉയരുന്നതിവിടെ
വിടർന്നൊരു നാടകരംഗം
ജനനം തൊട്ടു തുടങ്ങും നാടകം
അടിമുടി നാട്യക്കാർ നാം
ഉയർന്നൂ...ഉണർന്നൂ...
തുടങ്ങീ നരനടനം
വനമുരളീഗാനം
അതിലലിയും രാഗം ഓ... (യവനിക...)
ഷേക്സ്പിയറും കാളിദാസനും
ജീവിതാനുഭവമാക്കിയവർ
ജൂലിയറ്റും ശകുന്തളയും
ജീവിതകഥയിലെ ദേവതമാർ
ഈ നാടകകഥയിലെ നായികമാർ
കാണികളറിയാതെ കൺ നിറയുവതറിയാതെ
നവരസസരസ്സിലെ സരസിജമാകും ഓ... (യവനിക...)
വോൾട്ടയറും തോപ്പിൽ ഭാസിയും
വിപ്ലവചിന്തയുയർത്തിയവർ
യാതനയും ഭാവനയും
കോർത്തതു നാടകമാക്കിയവർ
നവചേതന നാടിനു നൽകിയവർ
കാണികളറിയാതെ മാനസമെരിയുമ്പോൾ
സമരപഥങ്ങൾ അതിലണി ചേരും ഓ... (യവനിക...)

Song video

Watch on YouTube