Malayalam lyrics

യദുകുല മുരളിക പാടി
യമുനയിൽ നീ നീരാടി
സ്വരധാര വീണലിയുമഴകേ
സുഖസാന്ദ്രമായൊഴുകി വാ
തിരപാടുമോർമ്മകളിലൂടെ 
അനുരാഗമായരികിൽ വാ
യദുകുല മുരളിക പാടി
യമുനയിൽ നീ നീരാടി
നിലാവു തൂവും രാവിൽ
ഒരു നിശാമരാളം പോലെ നീ
ഒഴുകൂ വികാരലോലയായ്
കുളിരിളകും തരംഗമാലയിൽ
പുണരാനണഞ്ഞ മനസ്സേ കിനാവിൽ
അലിയാതെങ്ങു പോയ് - ഒന്നും
പറയാതെങ്ങു പോയ്
യദുകുല മുരളിക പാടി
യമുനയിൽ നീ നീരാടി
തുഷാരമാല്യം ചൂടും
മൃദുമൃണാളസൂനം പോലെ നീ
പകരൂ പരാഗമോമലേ 
ഇതളിളകും വിലാസവേളയിൽ
മുകരാണഞ്ഞ ഹൃദയാഭിലാഷം
അറിയാതെങ്ങുപോയ് - ഒന്നും
പറയാതെങ്ങുപോയ്
യദുകുല മുരളിക പാടി
യമുനയിൽ നീ നീരാടി
സ്വരധാര വീണലിയുമഴകേ
സുഖസാന്ദ്രമായൊഴുകി വാ
തിരപാടുമോർമ്മകളിലൂടെ 
അനുരാഗമായരികിൽ വാ
യദുകുല മുരളിക പാടി
യമുനയിൽ നീ നീരാടി

Song video

Watch on YouTube

Song details

Music: ആലപ്പി രംഗനാഥ്

Film/album: മാംഗല്യപ്പല്ലക്ക്