Malayalam lyrics

യദുകുലമെവിടെ മുരളികയെവിടെ
ഘനശ്യാമവർണ്ണാ നിൻ മൃദുഹാസമെവിടെ...(2)
ഗോകുലമെവിടെ...കാളിന്ദിയെവിടെ...
രാഗവിലോലാ നിൻ പ്രിയ രാധയെവിടെ...
യദുകുലമെവിടെ മുരളികയെവിടെ
ഘനശ്യാമവർണ്ണാ നിൻ മൃദുഹാസമെവിടെ...
രതിസുഖസാരേ പാടിനിറഞ്ഞൊരീ
പാഴ്മുളം തണ്ടിന്റെ ഈണത്തിലോ....(2)
ഒരു നവ്യ ഭാവന ചിറകുകൾ നീർത്തിയ
നീലാംബരത്തിന്റെ ആഴത്തിലോ...
തിരയുകയാണിന്നും ഈ മോഹശലഭങ്ങൾ
ദ്വാപരയുഗസാന്ധ്യ മേഘങ്ങളായ്...
യദുകുലമെവിടെ മുരളികയെവിടെ
ഘനശ്യാമവർണ്ണാ നിൻ മൃദുഹാസമെവിടെ...
ഈ സർഗ്ഗശാഖികൾ പൂത്തുലഞ്ഞീടുവാൻ
ഈ മുഗ്ദ്ധസംഗീതം രാഗിലമാകുവാൻ...(2)
അണയുക ഗായകാ...ഹേ വനമാലീ
ഒരു പുനർജ്ജനിയുടെ ഗീതകമായ്...
തിരയുന്നു ഞാനിന്നും നീ കളിയാടിയ
വൃന്ദാവനത്തിലെ സാരംഗമായ്...
(യദുകുലമെവിടെ...)

Song details

സംഗീതം: പെരുമ്പാവൂര്‍ ജി രവീന്ദ്രനാഥ്‌

ഗാനരചന: വിശ്വനാഥ്‌ വള്ളിക്കുന്നം

ഗായകര്‍: കെ ഗിരിജ വർമ്മ

രാഗം: ഹരികാംബോജി

ഹിന്ദുസ്ഥാനി രാഗം: ഖമാജ്

വര്‍ഗ്ഗീകരണം: റേഡിയോ

വിശദവിവരങ്ങള്‍: ഷിബു ജേക്കബ്

വിഡിയോ: വാമദേവൻ

Album: ആകാശവാണി ലളിതഗാനങ്ങള്‍