Vo Tir Dil Pe Chalaa Jo Teri Kamaan Men Hai

Roman script

vo tir dil pe chala, jo teri kamaan me hai
vo tir dil pe chala, jo teri kamaan me hai
haay kisi ki aankh me, jaadu teri zubaan me hai
kisi ki aankh me, jaadu teri zubaan me hai
nazar me aate hi tum to, jigar me samaae sanam
jigar me aate hi dil ki, taraf badhaae qadam
kahi thaharati nahi, jo usi adaa ki qasam 
kahi thaharati nahi, jo usi adaa ki qasam 
zami pe hai vahi bijali, jo aasamaan me hai
haay kisi ki aankh me, jaadu teri zubaan me hai
ye mana rag mohabbat ke, ho chale gahare
magar labo pe hai, dilo pe hai pahare
jo beqarar ho dil se, kahi vo kya thahare
jo beqarar ho dil se, kahi vo kya thahare
kahi vo kya thahare
abhi to husn mohabbat ke, imtahan me hai
vo tir dil pe chala jo teri kaman me hai
tumhari aankho ke aage ye din ye raat kaha
gulo ki shakh kaha ek sanam ka hath kaha
hasin dekhe hazaro magar ye baat kaha
hasin dekhe hazaro magar ye baat kaha
magar ye baat kaha
ye baat aur hai jo teri aanaban me hai
kisi ki aankh me, jaadu teri zubaan me hai
vo tir dil pe chala, jo teri kamaan me hai