Malayalam lyrics
വെണ്ണക്കല്ലിൽ നിന്നെകൊത്തീ വെള്ളിപ്പൂന്തിങ്കൾ കണ്ണിൽ കണ്ണിൽ നാണിച്ചെത്തീ നക്ഷത്രപ്പക്ഷീ മെല്ലേ മെല്ലേ മുല്ലേ തരൂ മുന്നാഴിത്തേൻ എല്ലാമെല്ലാം നിന്നോടൊരു ചൊല്ലായ് ചൊല്ലാം (വെണ്ണക്കല്ലിൽ...) ആരും കൊതിയ്ക്കണ നാടൻ കരിക്കിനെ നാണം കുണുങ്ങണ നറുവെണ്ണക്കുടത്തിനെ ആരാണ്ടൊരുവൻ കെണി വെച്ചു പിടിച്ചൊരു കല്യാണം അമ്മാനപ്പന്തലിട്ടത് നീലാകാശം കുരവയിടാൻ കൂടെ വന്നത് കുരുവിപ്പട്ടാളം ആരാവാരപ്പൂരം കാണാൻ ആര്യൻ പാടത്താരാണാരാണോ (വെണ്ണക്കല്ലിൽ..) ആമ്പൽച്ചിലമ്പിലെയണിമുത്തു കൊരുക്കാൻ ആദ്യം വന്നതൊരരയന്നത്തട്ടാൻ കാക്കക്കറുമ്പികളണിയിച്ചു കൊടുക്കും അരഞ്ഞാണം കണ്ണാടിക്കമ്മലിട്ടത് മിന്നാമിന്നീ മണിയറയിൽ പായ് വിരിച്ചത് മുതുമുത്തശ്ശീ ആരും ചാരാവാതിൽ ചാരി കാണാ മുത്തിൽ മുത്തം വെയ്ക്കാലോ (വെണ്ണക്കല്ലിൽ..) ---------------------------------------------------------------------------
Song video
Song details
Music: വിദ്യാസാഗർ
Film/album: പട്ടാളം
- Singer: വിധു പ്രതാപ്എം ജി രാധാകൃഷ്ണൻരാധികാ തിലക്
- Film / album: പട്ടാളം
- Composer: വിദ്യാസാഗർ
- Lyricist: ഗിരീഷ് പുത്തഞ്ചേരി