വാശിപ്പശി

Malayalam lyrics

അരുതുകളുരുകണ
നേരം വരണമെടാ
കവണയിലെറ്റാൻ കല്ലുകൾ
അണിയണിയായി നിരത്താൻ
സമയമെടാ
ചുണ-രണ ധമനികളേറി
നെഞ്ചു പുതച്ചാവേശം വീശുമെടാ
ആടാ മൂഷികർ ഞങ്ങടെ
മൂച്ചു തടുക്കാമെങ്കിൽ
തടുക്കിനെടാ
വിഷവേഷക്കാരാ നിന്നുടെ
അടികള് കൊണ്ട് തിണർത്തത്
ഉടലല്ല, ഉള്ളിലെ ഉയിരാണ-
തിനുടെ വേദനയെന്തന്നെങ്ങനെ
നീയറിയാൻ 
വെറിയുടെ മുറജപം
ചൊല്ലി 
കരയിക്കാൻ തറ
തീർക്കും മാർജ്ജാരാ
കൊന്ജമടങ്ങട നീയിത്
ഇതുവരെ കാണാക്കളിയുടെ
തിരനോട്ടം
കണ്ടോടാ മാടാ നീ
അടരിതിൽ ആടാൻ പശി;
രോഷംകൊണ്ട് മൂശയിലിട്ടൊരു
വാശിപ്പശി
മോശമായവനാശാനവനുടെ
ചൊരുക്കിന്നടക്കം
കുരവിളികളകമ്പടിയോടെ
വീരർ മുഴക്കും
ജയഭേരിയതാസുര
താളം
അടവിന്നുടയവരാണത് പടകിൽ
പെടപലതില് കൂടെ സഹിച്ചോരാ
ഞ്ഞുപിടിക്കാനാകെയുറച്ചോര-
വരുടെ പടമേളവും ഓളവും
ആളിക്കയറും അടപടലം, 
എടുപിടിയിതുചുവടുകൾ 
ഒരുപിടി;
നെൻജം അലറും ഇനി യുദ്ധം;
ഇനി യുദ്ധകഥയുടെ ഊഴം