Varu Nee / വരൂ നീ

Malayalam lyrics

വരൂ നീ വരൂ നീ സന്ധ്യേ
വരവർണ്ണിനിയാം സന്ധ്യേ
സുലളിത പദവിന്യാസ വിലാസിനി
സുമധുര മൃദുഹസിതവുമായ്
വരൂ നീ വരൂ നീ സന്ധ്യേ
ഏതോ മോഹം ഭൂമിയിൽ വീഴ്ത്തിയ
ദേവാംഗന പോലെ
പ്രിയതരമേതോ സ്മൃതിലഹരികളിൽ
പിടയും ചേതനയോടെ
സുലളിത പദവിന്യാസ വിലാസിനി
സുമധുര മൃദുഹസിതവുമായ്
വരൂ നീ വരൂ നീ സന്ധ്യേ
വരവർണ്ണിനിയാം സന്ധ്യേ
സുരനദി തഴുകും തീരം പിന്നിൽ മായുന്നു മായുന്നൂ
സുരതരു പൂവിതിരും തീരം മായുന്നൂ മായുന്നൂ
ഇരവും പകലും ഒന്നു പുണർന്നിണ പിരിയും നേരമായ്
വിരഹവിഷാദം തുടുമലരുകളായ്
വിരിയും ചേതനയോടെ
വരൂ നീ വരൂ നീ സന്ധ്യേ
വരവർണ്ണിനിയാം സന്ധ്യേ