இறை நூறு

தமிழ்

ஆண் : இறை நூறு இருந்தால் என்ன
மதம் நூறு ஆண்டால் என்ன
பொய் வாழ்ந்தால் என்ன
மெய் வீழ்ந்தால் என்ன
புவி வாழும் பேரன்பிலே
குழு : விஞ்ஞானம் ஒரு பாதி
மெய்ஞானம் ஒரு பாதி
அஞ்ஞானம் சரி பாதியே
ஆண் : கடவுளைக் காப்பாற்ற
மனிதன் உண்டு
மனிதனைக் காப்பாற்ற
கடவுள் உண்டோ
ஆண் : எவர் வேதம் தான் விடை கூறுமோ
ஆங்காரம் ஓர் கண்ணிலே
ஓம்காரம் ஓர் கண்ணிலே
வா நாம் வாழ வாழ்வுண்டு மண் மீதிலே
குழு : சார்வாகம் வைதீகம்
ஆன்மிகம் தெய்வீகம்
நாள்தோறும் ஏதேதோ சொல்கின்றதே
இவை ஏதும் கேளாமல்
இயல்பான ஓர் அன்பில்
இரு ஜீவன் வாழ்கின்றதே
ஆண் : துறவியும் காணாத அமைதி ஒன்று
இவர் வாழ்விலே நிறைந்தோடுதே
ஆகாயம் ஓர் உண்மையே
பூலோகம் ஓர் உண்மையே
வா நாம் காணும் பாசங்கள்
பேருண்மையே
குழு : வானாகி மண்ணாகி வழியாகி ஒளியாகி
நீராகி நூறாகி நிலையாகுமே
ஊனாகி உயிராகி நானாகி நீயாகி
நாமாகி உறவாடுமே