Ushasse Ninakkente / ഉഷസ്സേ നിനക്കെന്റെ

Malayalam lyrics

ഉഷസ്സേ നിനക്കെന്റെ ഉദയാഞ്ജലി
ഉണരും കലയുടെ ഹൃദയാഞ്ജലി
ഉന്നിദ്ര ഭൂപാള രാഗാഞ്ജലി...
(ഉഷസ്സേ...)
ജീവഹരിതക സ്മൃതികൾ തളിർക്കുമീ
ഗ്രാമവിശാലതയിൽ പൂ വിതറി...(2)
ആറടിപ്പാതയിൽ തേരുതെളിച്ചു നീ
ആറാട്ടിനെഴുന്നെള്ളി വരുമ്പോൾ...
ചിന്മയീ ചിരകാല സഖി നിൻ ചിരിയുടെ
മുത്തിനു കൈ നീട്ടി..
ചിന്മയീ ചിരകാല സഖി നിൻ ചിരിയുടെ
മുത്തിനു കൈ നീട്ടി.....
ഞാൻ കൈ നീട്ടി.....
(ഉഷസ്സേ...)
നീല മരതക കല്ലുകളലിയുമീ
കാലപ്രവാഹിനിയിൽ നീരാടി...(2)
കുങ്കുമ നീരാളം തോരയിടുന്ന നീ
ചന്ദനമണം വീശി വരുമ്പോൾ...
ശ്രീമയീ സ്വരരാഗവതി നിൻ ചുരുൾമുടി
അഴകിനു കൈ കൂപ്പി..
ശ്രീമയീ സ്വരരാഗവതി നിൻ ചുരുൾമുടി
അഴകിനു കൈ കൂപ്പി......
ഞാൻ കൈ കൂപ്പി...
(ഉഷസ്സേ...)