Malayalam lyrics

തളിർത്ത മുന്തിരിവള്ളികൾ നീട്ടും
തുടുത്ത കനികൾ വാറ്റി
നുരയും വീഞ്ഞായ് മാറ്റുന്നൂ അത്
സിരകളിൽ ലഹരിയുണർത്തുന്നൂ
ഒരു പാനോത്സവലഹരിയിൽ ജീവിത
മൊഴുകുവതെവിടേക്കോ
പറുദീസയിലേക്കല്ലാ
പരമാനന്ദപ്പാലാഴിയിലേക്കല്ലാ
മായികമാമൊരു സ്വർഗ്ഗം തേടി
നാമണയുന്നൂ നരകത്തിൽ
ഒരു പാനോത്സവലഹരിയിൽ ജീവിത
മൊഴുകുവതെവിടേക്കോ
പ്രകൃതീശ്വരി തന്നരുളും
മധുരക്കനിയും പൊൽക്കതിർമണിയും വാറ്റി
മാരകമാം വിഷലഹരികളാക്കി
നാമതിനടിമകളാകുമ്പോൾ
ഒരു പാനോത്സവലഹരിയിൽ ജീവിത
മൊഴുകുവതെവിടേക്കോ
---------------------------------------------------

Song details

Music: വിഷ്ണു ഭട്ട്

Film/album: മിനി